Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан халкы минималь хезмәт хакы 55,5 мең сум булырга тиеш дип саный
Казанлылар хезмәткә түләүнең минималь күләме аена уртача 55,5 мең сум тәшкил итәргә тиеш дип саный. SuperJob порталы икътисади яктан актив кешеләр арасында үткәргән сораштыру нәтиҗәләреннән күренгәнчә, шәһәр хезмәткә түләүнең минималь күләме буенча өметләр иң югары булган Россия мегаполислары бишлегенә кергән.
2026 елның 1 гыйнварыннан федераль минималь хезмәт хакы 27 093 сум тәшкил итә. Шул ук вакытта, төбәкләр аннан югарырак күрсәткеч билгели ала. Мәсәлән, Мәскәүдә 2026 елда ул - 39 730 сумга, ә Санкт-Петербургта 31 250 сумга җитте.
Шулай да Россиянең зур шәһәрләрендә яшәүчеләр моны җитәрлек түгел дип саный.
Казанда сораштыруда катнашучылар минималь хезмәт хакының уртача күләме 55 500 сум булырга тиеш дип саный. 2026 елның февралендә шәһәрдә яшәүчеләр аны 55 800 сум дип бәяләгән иде. Җиде ай эчендә күрсәткеч 0,5 процентка кимегән.
Иң югары өметләр Мәскәүдә теркәлгән. Башкалада яшәүчеләр 63 100 сум күләмендәге минималь хезмәт хакын гадел дип саный. Икенче урында – Санкт-Петербург (59 200 сум), өченчедә – Хабаровск (58 300 сум).
Беренче бишлеккә шулай ук Казан (55 500 сум) һәм Владивосток (55 500 сум) кергән.
Бер ел эчендә минималь хезмәт хакы күләме буенча өметләр Түбән Новгородта – 5,8, Липецк һәм Ижевскида - 4,6, Әстерханда – 3,8, Мәскәүдә - 2,1, Санкт-Петербургта 1,2 процентка арткан.
Яңалыкларны күзәтеп бару өчен Макс-каналга язылыгыз