Татарстан халкын чыпчыкларны исәпкә алырга чакыралар
Скопировать ссылку
Татарстан халкы, Бөтенроссия чыпчыклар исәбен алуга кушылып, берникадәр вакытка бердвотчер була ала. Бу кошлар 8 августтан 16 августка кадәр исәпкә алыначак, дип хәбәр итә «Татарстан – Яңа гасыр» телерадиокомпаниясе.
Табигатькә файда китерү өчен татарстанлыларга берничә фотосурәт ясау һәм сайтта анкета тутыру да җитә. Җыелган мәгълүматлар орнитологларга чыпчыклар популяциясенең ни өчен кимүен аңларга һәм аларны саклау өчен вакытында чаралар күрергә ярдәм итәчәк.
2026 елның кышында узган кошлар исәбен алуда республикада яшәүче 400гә якын кеше катнашкан иде. Төбәктә 7 меңгә якын чыпчык санаганнар.