Җәмгыять 20 март 2026 15:42

Синоптиклар Татарстан халкын томан хакында кисәтте

Скопировать ссылку

Бүген Татарстанда көннең икенче яртысында һәм кичен, шулай ук 21 мартта төнлә һәм көндез томан көтелә. Россия Гадәттән тыш хәлләр министрлыгының ТР буенча Баш идарәсендә иминлек чараларын үтәү турында хәбәр иттеләр.

Ведомствода киңәш итүләренчә, урамда сак булырга, ә юл аша чыгу өчен җир асты яки җир өсте кичүләрен файдаланырга киңәш итәләр. Йөрәк‑кан тамырлары авырулары һәм тын бетү өянәгеннән интегүчеләрнең урамга чыкмавы хәерле.

Җәяүлеләр урам һәм юл аркылы чыкканда бик тә игътибарлы булырга тиеш.

Гадәттән тыш хәлләр килеп туган очракта 112 номерына шалтыратырга кирәк.

Элегрәк, 13, 14, 15, 16, 17 һәм 18 мартта Казанда 2020, 2025, 2020 еллардагы, тагын 2020, 2015 еллардагы һәм тагын 2015 елдагы температура рекордлары куелды. Шуның белән бергә, 10 мартта, 1908 елның температура антирекорды яңартылды.

Метеорологлар мәгълүматларына караганда, Татарстанда март өчен коры һәм җылы һава торышы ким дигәндә киләсе атна башына кадәр сакланачак. Элегрәк ТР Гидрометеорология һәм әйләнә-тирә мохитне күзәтү идарәсе башлыгы Феликс Гоголь республикага әле салкыннар әйләнеп кайтырга мөмкин, дип кисәткән иде.

Сәхифәләр

Синоптиклар Татарстан халкын томан хакында кисәтте