Татарстанда яшәүче ир-атның, гаражда чыккан янгынны сүндергәндә, аягы пешкән
Скопировать ссылку
Татарстанда яшәүче ир-атның, гаражда чыккан янгынны сүндерергә тырышканда, аягы пешкән.
Россия Гадәттән тыш хәлләр министрлыгының ТР буенча Баш идарәсе матбугат хезмәтендә «Татар-информ» агентлыгына хәбәр итүләренчә, Балтач районының Арбор авылында тактадан ясалган гаражга ут капкан, аның эчендә ГАЗ-53 автомобиле дә булган. Урынга килгән янгын сүндерүчеләр утның 80 квадрат метр мәйданга таралуын ачыклаган.
Янгынны сүндергәннәр, әмма аны сүндерергә тырышканда гараж хуҗасының аягы пешкән. Ир-ат хастаханәгә барудан баш тарткан.
Янгын электр җиһазын куллану кагыйдәләрен бозу сәбәпле чыккан дип фаразлана.