Спорт 12 март 2017 10:55

Зиннәтулла Билалетдинов тренер буларак ил чемпионатында 1000 матч уздырды

Әлеге санга тыныч карадым, диде уеннан соң "Ак Барс" командасының баш тренеры.

Скопировать ссылку

(Казан, 12 март, "Татар-информ", Фәрит Салихов). Кичә Омскида узган "Авангард" – "Ак Барс" командалары очрашуы кунакларның баш тренеры Зиннәтулла Билалетдинов өчен истәлекле булды. Казан командасына сериядә икенче җиңү китергән (2:0) уен 61 яшьлек остаз өчен ил чемпионатында баш тренер буларак уздырган 1000 нче матч булды.

Юбилей матчы булгангамы, җиңү китергән алкадан соң Зиннәтулла Билалетдинов тагын да ныграк сөенде кебек. Дөрес, остаз моны үзенчә аңлатты.

"Юк, андый әйберләргә тыныч карыйм. Бу безнең эш. Ә гол – гол инде ул, алка кертсәк һәрчак сөенәм", – диде Зиннәтулла Билалетдинов бу хакта.

Сүз уңаеннан, Зиннәтулла Билалетдинов ил чемпионатында 1000 матч уздырган бишенче тренер булып тарихка керде. Аңа кадәр әлеге чикне Валерий Белоусов (1302), Владимир Крикунов (1207), ВикторТихонов (1174) һәм Геннадий Цыгуров (1058) узган иде.

#Зиннәтулла Билалетдинов #хоккей

Сәхифәләр

Зиннәтулла Билалетдинов тренер буларак ил чемпионатында 1000 матч уздырды