Спорт 28 август 2017 22:16

Зиннәтулла Билалетдинов: Капкачы ялгышымы? Төрле хәл була

Баш тренер бүгенге җиңүнең мөһимлеген билгеләп үтте.

Скопировать ссылку

(Казан, 28 август, “Татар-информ”, Фәрит Салихов). “Ак Барс” командасы баш тренеры Зиннәтулла Билалетдинов “Амур”га каршы уеннан соң (2:1)матбугат конференциясендә матчка карата үз фикерен белдерде.

“Көндәш команда бик яхшы уйнады. Безгә гадәттәгечә җиңел булмады. Без өченче периодка таба кыза төштек. Күбрәк мөмкинлекләр тудыру яхшы булыр иде. Шулай да, нәтиҗә бар, егетләргә рәхмәт – җиңә алдылар. Бу мөһим”, – диде Зиннәтулла Билалетдинов.

Ул команда капитаны Александр Свитовның уеннан куылуына карата җавап итеп, төрле хәл була, ни булган шул булган, дип кенә җавап бирде. Капкачыны да яклап чыкты.

“Гарипов керттергән голмы? Нәрсә ишетергә телисез соң? Төрле хәл була”, – диде баш тренер.

#Зиннәтулла Билалетдинов #хоккей

Сәхифәләр

Зиннәтулла Билалетдинов: Капкачы ялгышымы? Төрле хәл була