Спорт 3 август 2017 07:44

Зиннәтулла Билалетдинов: Хаталарга бай уен җиңелүгә китерде

Һәр матчта лаеклы уен күрсәтергә кирәк: ару һәм армавың мөһим түгел, ди баш тренер.

Скопировать ссылку

(Казан, 3 август, “Татар-информ”) Түбән Новгородта өлкә губернаторы кубогы өчен барган турнирда җирле “Торпедо” клубына оттырганнан соң (1:3), “Ак Барс” хоккей командасы баш тренеры Зиннәтулла Билалетдинов җиңелүгә китергән сәбәпләр турында сөйләде.

“Кагыйдә бозып, күп вакыт аз составта уйнау аркасында уен барып чыкмады. Без бер период чамасы аз составта уйнадык. Андый мизгелләр уенны “сындырды”, уен барып чыкмады. Узган матчта азакка кадәр дөрес уйнасак, бүген хаталарга бай уен күрсәттек”, – диде Зиннәтулла Билалетдинов.

Бүген Казан хоккейчылары турнирда “Салават Юлаев” командасы белән уйный.

“Һәр матчта лаеклы уен күрсәтергә кирәк. Ару-армавың, уенчыларыңның булу-булмавы мөһим түгел – уйнарга кирәк. Мин команданы яхшы уен күрсәтсен өчен әзерлим”, – диде баш тренер.

#Зиннәтулла Билалетдинов #хоккей

Сәхифәләр

Зиннәтулла Билалетдинов: Хаталарга бай уен җиңелүгә китерде