Зилә Вәлиева: Гаиләләргә ярдәм итүдә иҗтимагый оешмалар берләшергә тиеш
Бүген «Татар-информ» мәгълүмат агентлыгында матбугат конференциясендә Татарстан Республикасы Иҗтимагый палатасы рәисе Зилә Вәлиева әйтүенчә, гаиләләргә ярдәм итүдә барлык коммерцияле булмаган иҗтимагый оешмалар берләшергә тиеш.
«Гаиләләргә ярдәм итү өлкәсендә барлык коммерцияле булмаган иҗтимагый оешмалар берләшергә тиеш. Бары тик шулай гына җәмгыятьтә иминлекне тәэмин итәргә һәм тискәре күренешләрне кисәтергә мөмкин. Татарстанның коммерцияле булмаган оешмалары 2024 елда республика грантлары конкурслары йомгаклары буенча 30 млн сум, шулай ук гаиләләргә ярдәм итүгә багышланган проектларга Федераль грантлар нәтиҗәләре нигезендә 23 млн сум акча алуга ирешкән», – диде Зилә Вәлиева.
Шулай ук Зилә Вәлиева социаль-тискәре күренешләрне профилактикалауга да грантлар булуын ассызыклады.
«Быел ТР Рәисенең яшьләр арасында социаль-тискәре күренешләрне профилактикалау юнәлешендәге республика конкурсы буенча гомуми суммасы 5 млн сум тирәсе булган биш проект ярдәм алды. Гаиләгә, ата-аналарга һәм балаларга ярдәм итү юнәлеше буенча гомуми суммасы 25 млн сум тирәсе тәшкил итте. Шулай ук РФ Президент грантлары фондына гаризалар җибәрелде. Аннан да 23 млн сумлык ярдәм алынды. Шул рәвешле, иҗтимагый көчләр иң актуаль мәсьәләләрне хәл итүгә 50 млн сум җәлеп иткән» – диде ул.
Моннан тыш, коммерцияле булмаган оешмалар ата-аналар белән дә актив эшләүләре билгеләп үтелде.
