Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зилә Вәлиева: Гаилә белән волонтерлык – традицион кыйммәтләрне ныгыту
![Зилә Вәлиева: Гаилә белән волонтерлык – традицион кыйммәтләрне ныгыту](https://tatar-inform.tatar/resize/shd/images/uploads/news/2024/7/17/c3c752a9c754588ca88a1fc4d3c8729f.jpg)
Татарстанның Иҗтимагый палатасы социаль ориентлашкан коммерцияле булмаган оешмаларның 6нчы Республика форумының секцион утырышларын башлады. Әлеге утырышлар июль-сентябрь айларында үткәрелә. Казандагы «Ярдәм» хәйрия фондында «Татарстан Республикасында традицион гаилә кыйммәтләрен ныгыту векторы буларак гаилә волонтерлыгын үстерү» дигән утырыш үтте. ТР Иҗтимагый палатасы рәисе Зилә Вәлиева, гаилә белән волонтерлык – традицион кыйммәтләрне ныгыту булуын ассызыклады.
«Төп максатыбыз – социаль ориентлашкан коммерцияле булмаган оешмалар эшчәнлеген муниципаль дәрәҗәдә дә үстерү, күбрәк иҗтимагый эшләрдә катнаштыру. Әлбәттә, бүгенге көндә дә иҗтимагый оешмалар вәкилләре бик актив. Моның нәтиҗәсе буларак, күпмилләтле республикабызда мәдәни кодлар, гореф-гадәтләр саклана, алар буыннан-буынга тапшырыла», – дип сөйләде Зилә Вәлиева «Татар-информ» хәбәрчесенә.
Әңгәмәдәш әйтүенчә, бәхетле гаилә – тырыш хезмәттә булган гаилә. «Күпләр гаилә бәхете рецептларын эзли, ә ул бик гади. Гаиләдә хезмәтләре белән әти-әни балаларга үрнәк булырга тиеш. Хезмәт төшенчәсе дә гаиләне ныгыта торган нигез. Шуның өчен, мин уйлыйм, бу очрашу нәтиҗәсе булып гаилә белән волонтёрлык эшләрендә катнашучылар да артыр, бик күп тәҗрибә уртаклашулар да волонтёрлыкның үсешенә уңай йогынты ясар» – диде ул.
Чарада Нурлат, Спас, Кама Тамагы һәм Азнакай районнарыннан спикерлар чыгыш ясады. Алар гаиләләре белән волонтёрлык эшендә катнашулары хакында сөйләде, катнашучыларны кызыксындырган сорауларга җавап бирделәр.
Ахырдан лаеклы затлар ТР Иҗтимагы палатасы тарафыннан Рәхмәт хатлары белән бүләкләнде.
- Форумның пленар утырышы 24 сентябрьгә планлаштырылган.
Кызыклы яңалыкларны күзәтеп бару өчен Телеграм-каналга язылыгыз