Зилә Вәлиева Алабуга дәүләт музей-тыюлыгы директорын 70 яшьлек юбилее белән котлады
Бөтендөнья татар конгрессының Милли шура рәисе киңәшчесе, «Татарстан хатын-кызлары» Төбәк иҗтимагый оешма җитәкчесе Зилә Вәлиева Алабуга дәүләт тарихи-архитектура һәм сәнгать музей-тыюлыгы генераль директоры Гөлзада Руденконы 70 яшьлек юбилее белән котлады. Бу хакта Бөтендөнья татар конгрессы матбугат хезмәте хәбәр итә.
Тантаналы чара кысаларында Зилә Вәлиева юбилярга Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразыев исеменнән Рәхмәт хаты һәм истәлекле бүләк тапшырды.
Гөлзада Руденко музей-тыюлыкны 2002 елның ноябреннән бирле җитәкли. Шушы вакыт эчендә аның җитәкчелегендә оешма гади төбәк музееннан Россиядәге алдынгы музей берләшмәләренең берсенә әверелде. Бүгенге көндә тыюлык Татарстан Республикасының фәнни-агарту һәм мәдәни-туристик үзәге булып тора.