Зилә Вәлиева: Татарстан хатын-кызлары күзәтүчеләр буларак зур активлык күрсәтте
Республикада күзәтүчеләрнең уртача яше — 30дан алып 50 яшькә кадәр.
Скопировать ссылку
(Казан, 2 июль, «Татар-информ», Зилә Мөбәрәкшина). Татарстанда күзәтүчеләр буларак Россия Конституциясенә төзәтмәләр буенча тавыш бирү участокларында хатын-кызлар актив булган. Бу хакта гомумроссия тавыш бирү республика матбугат үзәгендә ТР Иҗтимагый палатасы рәисе Зилә Вәлиева сөйләде.
«Мин яшьләрнең күпләп катнашуына шат. Күзәтүчеләрнең 60 проценттан артыгын хатын-кызлар тәшкил иткән дип әйтә алам. Нигездә, күзәтүчеләр сыйфатында 30дан алып 50 яшькә кадәр булган кешеләр катнашты», — дип билгеләп үтте Вәлиева.