Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зилә Вәлиева “Дуслык” ордены белән бүләкләнде
Зилә Вәлиева “Казан Кремле” музей-тыюлыгын 2012 елның маеннан җитәкли.
(Казан, 17 октябрь, "Татар-информ"). “Казан Кремле” дәүләт тарихи-архитектура һәм сәнгать музей-тыюлыгы директоры Зилә Вәлиева республиканың “Дуслык” орденына лаек булды. Тиешле указ Татарстан Президенты Рөстәм Миңнеханов тарафыннан 14 октябрьдә имзаланган.
Документтан күренгәнчә, Зилә Вәлиева әлеге бүләккә республика тарихи-мәдәни һәм рухи мирасын саклауга, үстерүгә, популярлаштыруга саллы өлеш керткәне һәм озак еллар башкарган тырыш хезмәте өчен лаек булган.
Искәртеп үтик, Зилә Вәлиева “Казан Кремле” музей-тыюлыгын 2012 елның маеннан җитәкли. Совет чорында ул журналист булып эшләде. Татарстан Югары Советы рәисенең беренче урынбасары һәм Татарстан Дәүләт Советы рәисе урынбасары, Матбугат, телерадиотапшырулар һәм массакүләм коммуникация чаралары министры, Татарстан вице-премьеры, вице-премьер – республика мәдәният министры һәм кабат вице-премьер булды.
Кызыклы яңалыкларны күзәтеп бару өчен Телеграм-каналга язылыгыз