Зифа Кадыйрованың әсәре буенча Үзбәкстан катнашында фильм төшереләчәк
Язучының «Сагынырсың, мин булмам» әсәре буенча киносценарий продюсер Улугбек Абдуллаевта кызыксындыру тудырган.
(Казан, 30 апрель, «Татар-информ», Рузилә Мөхәммәтова). Зифа Кадыйрованың «Сагынырсың, мин булмам» әсәре буенча фильм Үзбәкстан катнашында төшереләчәк. Бу хакта бүген Казан кинофестиваленең матбугат конференциясендә билгеле булды.
Фильм питчингка куелмаган иде, ләкин аның буенча фикер алышканда, безнең проектны Үзбәкстандагы коллегаларыбыз бик ошаттылар. «Бухарийлар» үзбәк киностудиясе директоры һәм продюсеры Улугбек Абдуллаев проектны хуплады һәм аны төшерүдә катнашачагын әйтте”, - диде Миләүшә Айтуганова.
Зифа Кадыйрова «Татар-информ» хәбәрчесенә кинематографистларның бу китап буенча күптән кино төшерергә теләүләре турында, әмма акча табалмауларын әйткәне бар.
Казан кинофестивале кысаларында халыкара питчинг уздырылды. Питчингта биш Татарстан проекты халыкара продюсерларлар тарафыннан хупланды һәм постпродакшн буенча килешү төзелде.