Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Журналистларга Иван Винокуров исемендәге премия бирелә
Бер үк автор премиягә берничә тапкыр ия була ала
(Казан, 31 октябрь, “Татар-информ”). Татарстан Журналистлар берлегенең Әлмәт оешмасы һәм “Әлмәтнефть” идарәсе тарафыннан “Әлмәтнефть” идарәсенең “Нефтяник” газетасының элеккеге баш мөхәррире Иван Винокуров (1930 – 1994 еллар) истәлегенә премия булдырылды.
Премия массакүләм мәгълүмат чаралары мөхәррирләре, корреспондентлары, ТВ хезмәткәрләре, редакцияләрнең техник хезмәткәрләре (дизайнерлар, версткалаучылар, корректорлар), журналистика хәрәкәте ветераннары, яшь авторлар (30 яшькә кадәр) арасыннан иң лаеклыларга биреләчәк. Шулай ук ике кызыксындыру премиясе дә каралган.
Премия бер үк авторга берничә тапкыр бирелергә мөмкин, әмма төп шарт – автор премия алгач, 5 елдан соң гына аңа кабаттан дәгъва итә ала.
Премия Винокуровның туган көненә (10 гыйнвар) һәм Әлмәт матбугаты туган көненә (23 гыйнвар) багышлап, тантаналы шартларда тапшырылачак. Лауреатларга дипломнар һәм акчалата премияләр биреләчәк, дип хәбәр итә Әлмәт җирле басмасы.
Кызыклы яңалыкларны күзәтеп бару өчен Телеграм-каналга язылыгыз