"Зенит" волейболчылары лидерлык өчен көрәштә Польшаның "Ястшембски" командасын отты
Казан клубы беренче әйләнешне 3 җиңү белән төгәлләде.
(Казан, 16 гыйнвар, “Татар-информ”). Казанның “Зенит” волейболчылары Чемпионнар лигасы төркем этабының 3 нче турында Польшаның “Ястшембски” командасын отты.
Татарстан башкаласының “Санкт-Петербург” волейбол үзәгендә узган әлеге матч “Зенит” файдасына 3:0 (25:13, 25:23, 25:12) исәбенә төгәлләнде.
Әлеге очрашуга ике команда да икешәр җиңү белән килгән иде: көндәшләр беренче ике турда бер-бер артлы Германиянең “Берлин” һәм Франциянең “Тулуза” командаларын отты.
Шулай итеп, лидерлык өчен бүгенге көрәштә җиңүче булган Владимир Алекно шәкертләре беренче әйләнешне 3 җиңү белән төгәлләде һәм турнир таблицасында беренче баскычка урнашты.
31 гыйнварда көндәшләр төркем этабының 4 нче турында Польшада очраша.