“Зенит” волейболчылары “Динамо-ЛО” командасын бишенче тапкыр җиңде
“Зенит” киләсе уенын Төркия командасына каршы үткәрәчәк.
(Казан, 13 гыйнвар, “Татар-информ”, Гөлия Хәсбиуллина). Бүген Казанның “Зенит ” волейболчылары Санкт-Петербург шәһәрендә Ленинград өлкәсенең “Динамо-ЛО” командасын җиңде.
Суперлига кысаларында үткән Казанның “Зенит”ы һәм “Динамо-ЛО” арасындагы биш уенның барысында да казанлылар җиңү яулады. Төгәлрәк, биш уенның унбиш сетында да “Зенит” өстенлекне алды.
Беренче сет: 0-1 (22:25).
Икенче сет: 0-2 (23:25).
Өченче сет: 0-3 (22:25).
"Зенит" волейбол командасының старт составы: Мэтью Андерсон, Никита Алексеев, Артём Вольвич, Алексей Самойленко, Александр Бутько, Эрвин Нгапет, Алексей Вербов, Валентин Кротков.
Киләсе уенны “Зенит” Анкарада Төркиянең “Халкбанк” командасына каршы үткәрәчәк. Матч 16 гыйнвар 20:00 сәгатьтә башлана.