news_header_top
Руc Тат
16+
news_header_bot
news_top
Спорт 23 март 2017 07:07

"Зенит" волейболчылары Чемпионнар лигасының алдагы раундына узды

Турнирның "Дүртлек финалы"на чыгу өчен Казан командасы данлыклы "Белогорье" командасы белән очрашачак.

Скопировать ссылку

(Казан, 23 март, "Татар-информ", Фәрит Салихов). Казанның "Зенит" волейболболчылары Чемпионнар лигасының "12лек раунды" җавап матчында үз мәйданында Бельгиянең "Кнак" командасыннан өстен чыкты. Беренче матчтагы кебек үк көндәшләр бер партиядә дә өстенлеккә ирешә алмады – 3:0.

Читтә көндәшен "коры" исәп белән җиңеп кайтса да, Владимир Алекно әлеге уенга да көчле составын чыгарды. Ә кунаклар "Зенит"ка теше үтмәсен аңлады булса кирәк: "Кнак"ның старт составында башлыча запаста калып килә торган берничә уенчысы да чыкты. Бүген "Кнак" өчен Чемпионнар лигасына караганда, ил беренчелегендә уңышлы чыгыш мөһимрәк шул.

"Зенит" эшне озакка сузмады – һәр өч партиядә дә зур өстенлек белән җиңүгә иреште. Команданың иң нәтиҗәле уенчысы булып 21 очко туплаган Максим Миңайлов танылды. Аннан кала нәтиҗәлелек буенча Вильфредо Леон тора – 18 очко. 

Чемпионнар лигасының "Дүртлек финалы"на узу өчен "Зенит"ка "Алтылык раунды"нда данлыклы"Белогорье" командасыннан өстен чыгарга кирәк булачак. Беренче уен 4 апрельдә Казанда, җавап очрашуы 12 апрельдә Белгородта уза. Аңа кадәр "Зенит" 26 мартта ил чемпионаты кысаларында да Белгородта әлеге көндәше белән көч сынашачак әле. 

Волейбол. Чемпионнар лигасы. "12лек раунды". Җавап матчы. "Зенит" (Казан, Россия) – "Кнак" (Руселаре, Бельгия) – 3:0 (25:19, 25:16, 25:20).

#Зенит #волейбол
news_right_1
news_right_2
news_bot