“Зенит” волейболчылары Бельгия кунакларын җиңде
“Зенит” – “Кнак” матчында дүрт сетның өчесендә Казан спортчылары отты.
(Казан, 29 гыйнвар, “Татар-информ”, Гөлия Хәсбиуллина). Бүген Казанның “Зенит” волейбол командасы Чемпионнар лигасы кысаларында Бельгиянең Руселаре шәһәренең “Кнак” командасын кабул итте. Волейбол үзәгендә узган “Зенит” – “Кнак” матчында Казан командасы җиңде.
Беренче сетта “Зенит” 5 очкога артка калып оттырды: 0-1 (20:25).
Икенче сетта “Зенит” волейболчылары җиңеп чыктылар: 1-1 (25:18).
Өченче сетта да Казан волейболчылары өстенлекне алды: 2-1 (25:18).
Дүртенче сетта һәм, шул исәптән, бу уенда “Зенит” командасы җиңде: 3-1 (25:20).
"Зенит" волейбол командасының старт составы: Мэтью Андерсон, Максим Михайлов, Артём Вольвич, Алексей Кононов, Александр Бутько, Эрвин Нгапет, Алексей Вербов, Валентин Кротков.
- Киләсе уенны “Зенит” Кемеровода “Кузбасс” командасына каршы үткәрәчәк. Матч 2 февральдә 12:00 сәгатьтә башлана.