“Зенит” – “Локомотив” матчы 3-0 исәбе белән “Зенит”лылар файдасына төгәлләнде
Казан волейболчыларының киләсе уены 20 февраль 19:00 сәгатьтә башлана.
(Казан, 17 февраль, “Татар-информ”, Гөлия Хәсбиуллина). Бүген Казанда “Зенит” волейбол командасы Новосибирскидан килгән “Локомотив”ны өч сетның өчесендә өстен чыгып җиңде. Уен Волейбол үзәгендә узды.
Беренче сетта “Зенит” 3 очкога өстен чыкты: 1-0 (25:22).
Икенче сетта Новосибирск волейболчылары 4 очкога калышып җиңелделәр: 2-0 (25:21).
Өченче сетта “Зенит” командасы өстенлекне алды һәм әлеге уенда җиңүгә иреште: 3-0 (25:20).
"Зенит" волейбол командасының старт составы: Мэтью Андерсон, Максим Михайлов, Артём Вольвич, Алексей Самойленко, Александр Бутько, Эрвин Нгапет, Алексей Вербов, Валентин Кротков.
Киләсе уенны “Зенит” Казанда Волейбол үзәгендә Уфаның “Урал” командасына каршы үткәрәчәк. “Зенит” – “Урал” матчы 20 февраль 19:00 сәгатьтә башлана.