news_header_bot_970_100
Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Зенит" командасының өч волейболчысы Европа чемпионатында катнаша
Россия җыелмасы беренче уенын Болгария командасына каршы уздыра.
Скопировать ссылку
(Казан, 22 август, “Татар-информ”). 24 август – 3 сентябрь көннәрендә Польшада узачак Европа чемпионатында катнашу өчен Россия ир-атлар волейбол җыелмасының составы билгеле булды.
Баш тренер Сергей Шляпников җитәкләгән тренерлар штабы ил җыелмасына Казанның “Зенит” командасыннан да өч уенчы чакырган. Европа чемпионатында ил данын Казан уенчылары – Александр Бутько, Максим Михайлов һәм Артём Вольвич яклаячак.
Россия җыелмасы чемпионатның төркем этабында Болгария (24 август), Словения (26 август) һәм Испания (28 август) командалары белән очраша. Төркем җиңүчеләре турыдан-туры чирек финалга узса, 2-3 нче урындагы командалар плей-оффның өстәмә раундында уйный.
Белешмә өчен: Европа чемпионаты ике елга бер тапкыр уздырыла. 2013 елда Россия волейбол җыелмасы – беренче урын яуласа, 2015 елда чирек финалда Италия командасына оттырган иде.
Быел катнашачак командалар:
А төркеме: Польша, Сербия, Финляндия, Эстония.
B төркеме: Италия, Германия, Словакия, Чехия.
С төркеме: Россия, Болгария, Словения, Испания.
D төркеме: Франция, Бельгия, Голландия, Төркия.
Кызыклы яңалыкларны күзәтеп бару өчен Телеграм-каналга язылыгыз
autoscroll_news_right_240_400_2