Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзбәкстанда Муса Җәлилне искә алу кичәсе булды
Кичәне оештыруда Каршы шәһәренең 15 нче урта гомуми белем бирү мәктәбе дә ярдәм иткән.
(Казан, 19 февраль, «Татар-информ»). Кашкадәрья өлкәсенең татар-башкорт милли-мәдәни үзәге татар шагыйре Муса Җәлилнең тууына 116 ел тулуга багышланган чара үткәрде.
Аны оештыруда Каршы шәһәренең 15 нче урта гомуми белем бирү мәктәбе дә ярдәм иткән. Бу хакта Татарстанның Үзбәкстан республикасындагы даими вәкиллеге белдерә.
Чарада катнашучыларга үзәк директоры Фирүзә Ихсанова доклад презентациясе тәкъдим итте, диелә хәбәрдә. Слайдлар татар халкының бөек улы Муса Җәлилнең яшьләргә патриотик тәрбия бирүгә зур өлеш керткән тормышына һәм иҗатына багышланган иде.
Кичәдә Тамара Исакулова, Дилнура Мәхмәдәлиева, Асилә Бәхтиярова, Ясминә Ташниязовалар «Балалар — җир чәчәкләре» әдәби композициясе кысаларында Муса Җәлилнең шигырьләрен рус телендә укыганнар.
Ринат Вәлиев һәм Ибраһим Тимуров Муса Җәлил иҗат иткән «Чишмә» шигыренең лирик юлларын яңгыраткан.
Кызыклы яңалыкларны күзәтеп бару өчен Телеграм-каналга язылыгыз