Үзбәкстан Төркия гражданнары өчен визасыз режим кертә
Чикләүләрне бетерү 30 көн дәвамында гамәлдә булачак.
(Казан, 4 февраль, “Татар-информ”). Үзбәкстан Президенты Шәүкәт Мирзияев Төркия, Индонезия, Көньяк Корея, Малайзия, Сингапур, Япония һәм Израиль гражданнары өчен 10 февральдән визасыз режим кертү турындагы карарны имзалады, дип хәбәр итә “Анадолу” агентлыгы.
Чикләүләрне бетерү 30 көн дәвамында гамәлдә булачак.
Республикага визасыз керү гражданнарга 2018 елның 10 февралендә тәкъдим ителәчәк.
Шулай ук, бу режим илгә даими рәвештә авиаочышлар оештыра торган авиакомпанияләрнең самолет экипажлары өчен дә гамәлгә кертеләчәк.
Әлеге документ нигезендә 39 ил гражданнарына җиңеләйтелгән тәртип буенча туристик виза алу мөмкин булачак. Документларны кабул итү көнен исәпкә кертмичә, визалар ике көн эчендә әзерләнәчәк.