Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзара салым акчасына Түбән Кама Сабантуй мәйданчыкларын төзекләндерергә планлаштыра
Бүген 15 авыл җирлеге территориясендә үзара салым мәсьәләләре буенча җирле референдумнар уза.
(Казан, 8 декабрь, «Татар-информ»). Бүген, 8 декабрь көнне, Каенлы авыл җирлегендә үзара салым буенча референдум уза. Ун торак пунктта яшәүчеләр үз авылларын төзекләндерүдә катнашыргамы-юкмы икәнлеген хәл итә. Бу хакта «Нижнекамская правда» яза.
Җирлектә өч сайлау участогы эшли, анда 1668 кеше теркәлгән.
2013 елдан бирле гамәлдә булган программа вакытында җирлектә юллар ремонтланды, зиратлар төзекләндерелде, Сабантуй мәйданчыкларын төзекләндерү эшләре башланды.
Каенлы авыл җирлеге башлыгы Фәнис Нәбиуллин бүген референдумда җирле халыкның алты авылында юлларны ремонтлау, зиратларны төзекләндерү, балалар мәйданчыгы төзү, Бөек Ватан сугышында катнашучылар һәйкәленә ремонт ясау мәсьәләсен хәл итүен әйтте. Моннан тыш, авыл халкы Сабантуй үткәрү өчен мәйданчыкларны төзекләндерүне төгәлләргә планлаштыра.
Авыл халкы үз торак пунктларын төзекләндерүдә катнашырга карар итсә, алар 300әр сум акча тапшырачак. Алар керткән һәр сумга Татарстан бюджетыннан дүрт сум бүлеп биреләчәк. 100 процент җыелган очракта, муниципалитет бюджеты җыелган сумманы икеләтә арттырачак.
Кызыклы яңалыкларны күзәтеп бару өчен Телеграм-каналга язылыгыз