Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Заманча сәнгать галереясында “Мин Казанны яратам” күргәзмәсе ябыла
Оештыручылар планында – проектны алга таба үстерү һәм ел саен “I Love Kazan” күргәзмәсен оештыру
(Казан, 11 сентябрь, “Татар-информ”). 13 сентябрь көнне Заманча сәнгать галереясында Instagram-фотосурәтләрдән торган “Мин Казанны яратам!” («I Love Kazan») күргәзмәсе ябыла. Анда проектның һәр 5 номинациясендә иң әйбәт фотоларның авторлары исемнәре билгеле була, шулай ук партнерлар конкурслары җиңүчеләрен тәгаенли. Җиңүчеләрне атап, бүләкләр тапшыру – 30 майда старт алган проектның йомгаклау өлеше булып торачак, дип белдерә Казан мэриясе матбугат хезмәте.
Оештыручылар биргән белешмә буенча, акция үткәрелгән 3,5 ай эчендә #ilovekazan хэштегы белән 27 меңнән артык фото җыелган. Проектта барлыгы 10 меңнән артык казанлы катнашкан. Проект авторы Денис Супрунов социаль челтәрләр ярдәмендә шәһәр халкында патриотик рух күтәрелгәнен билгеләде. “Моны ачыктан-ачык, масштаблы үткәргәнебезгә шатбыз. Беренче оффлайн чараларының уңышы патриотик хисне белдерүнең яңа ысуллары хакында җитди уйларга мөмкинлек бирә. Бу – без 2014 елда башлаган зур үсеш юлы. Планнарда – проектны алга таба үстерү һәм ел саен “I Love Kazan” күргәзмәсен оештыру”, - ди Денис Супрунов.
Кызыклы яңалыкларны күзәтеп бару өчен Телеграм-каналга язылыгыз