«Зәкят» фонды директоры: Рамазанның беренче яртысында 3 млн сумлык ярдәм күрсәтелде
Скопировать ссылку
«Зәкят» хәйрия фондының генераль директоры Булат Мәрданов фондның Рамазан аеның беренче яртысында мохтаҗларга 3 млн сумлык күләмдә ярдәм күрсәтүен хәбәр итте.
«Рамазан аеның беренче яртысында Раббыбызның киң рәхмәте һәм хәйриячеләребез ярдәме белән 30 мохтаҗ кешегә гомуми күләмдә 3 млн сумлык ярдәм күрсәтә алдык. Халкыбызның Рамазан аеның соңгы 10 көнендә нык активлашуын истә тотып, бу Рамазан аенда 80 кешегә 5 млнлык ярдәм күрсәтү максатына ирешербез дип өметләнәбез», – дип билгеләде ул.
- Бүген шулай ук Казанда 30нчы номерлы маршрут иртәнге 6:00дән кичке 18:00гә кадәр бушлай йөри. «Зәкят» фонды «Рамазан – изге гамәлләр ае» марафоны кысаларында барлык пассажирларның йөрү чыгымнарын үз өстенә алган.