Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйнең Югары Шепкә авылында хәрбиләр өчен маскировкалау челтәрләрен ике сменада үрәләр
![Зәйнең Югары Шепкә авылында хәрбиләр өчен маскировкалау челтәрләрен ике сменада үрәләр](https://tatar-inform.tatar/resize/shd/images/uploads/news/2024/5/23/52e1337785115944b8f7c36fcf761613.jpg)
Зәй районы Югары Шепкәнең игелекле йөрәкле хатын-кызлары һәр көн мәдәният йортына җыелып, махсус хәрби операция зонасына җибәрү өчен маскировкалау челтәрләре үрәләр. Эш ике сменада оештырылган. Биредә көнгә ике челтәр үрәләр. Бу хакта «Зәй яңалылкары» сайтында хәбәр ителә.
Апрель аенда алар 34 маскировкалау челтәре үргәннәр. Челтәр үрә башлаганнан бер ел ярым эчендә 500дән артык челтәр үргәннәр. Бу никадәр хәрбигә ярдәм итеп, күпме гомерләрне саклап калганнар дигән сүз. Шушы игелекле гамәлләре махсус хәрби операциядә катнашучыларның рәхмәт сүзләре булып кайткач, тагын да канатланып эшлиләр.
Челтәр үрү өчен кирәкле әйберләрне волонтерлардан Галия Тимерханова алып кайта, үргәннәрен илтеп тә бирә. Челтәр үрүчеләргә һәр яклап ярдәм итәргә тырыша ул.
«Безнең маскировкалау челтәрләре яхшы ышык булсын һәм ир-егетләребезне дошман күзеннән яшәрсен дип телибез. Иң мөһиме - яу кырындагы ир-егетләребез исән-сау әйләнеп кайта күрсен», - ди хатын-кызлар.
Кызыклы яңалыкларны күзәтеп бару өчен Телеграм-каналга язылыгыз