Зәйнең баш ветеринария табибы «Фидакарь хезмәт өчен» медале белән бүләкләнде
Скопировать ссылку
Татарстан Рәисе Рөстәм Миңнеханов Зәй район дәүләт берләшмәсенең баш ветеринария табибы Фоат Исламовны дәүләт бүләге белән бүләкләү турындагы карарны имзалады. Документ республика җитәкчесенең сайтында чыкты. «Зәй яңалыклары» шул хакта хәбәр итә.
«Республиканың ветеринария иминлеген тәэмин итүгә зур өлеш керткәне һәм күпьеллык нәтиҗәле хезмәте өчен «Зәй районы дәүләт ветеринария берләшмәсе» дәүләт бюджет учреждениесе башлыгы — баш ветеринария табибы Фоат Габбасович Исламовны Татарстан Республикасының „Фидакарь хезмәт өчен» медале белән бүләкләргә», диелгән карарда.