Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйнең Аксар авылында махсус хәрби операциядә катнашучыларга багышланган концерт булды
Зәй районы Аксар мәдәният йортында хәрби операциядә катнашучы егетләргә ярдәм йөзеннән хәйрия концерты узды. Аны шушы авылда туып-үскән, авыл җанлы егет Рушат Зиннәтов оештырды. Бу хакта «Зәй яңалыклары» сайтында Аксар авылы мәдәният йорты режиссеры Гүзәлия Миңнуллина яза.
Махсус хәрби операциядә катнашучы һәр егетнең әти-әнисе концертка чакырылды. Рушат аларның һәркайсына игътибар биреп, чәчәк бәйләмнәре белән күчтәнәчләр тапшырды. Ә егетләргә Фирдүс Тямаевның «Егет без» җыры астында әзерләнгән видео-роликны бөтен халык басып, күз яшьләре белнә карады.
Менә шундый җанлы бер тында узды өч сәгатькә сузылган концерт. Егетләрнең әниләре рәхмәт йөзеннән концертны оештыручыларга чәй өстәле әзерләп, сөйләшүләр анда да дәвам итте. Ә концерттан җыелган матди ярдәм хәрби операциядәге егетләрнең әниләренә тапшырылды.
«Рушатның тагын бер зур теләге — авылга, мәдәният йортына үзе кебек яшьләрне күбрәк тарту. Рушатның теләгенә без — мәдәният йорты хезмәткәрләре дә кушылабыз. Авылдан китеп, читтә яшәүчеләр, ялларда кайткач мәдәният йортларына килсәләр, тагын да күңелле булыр иде. Рушатка, иҗатташ дусларына зур рәхмәт әйтеп, яңадан-яңа иҗади уңышлар, саулык-сәламәтлек, гаилә бәхете теләп калабыз», диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз