Зәйдә заводта эшләүче хәрби-ветераннарны хөрмәтләделәр
Скопировать ссылку
Зәйдә «Аккурайд Уилз Руссиа» заводында бүгенге көндә 8 хәрби-интернационалист эшли. Совет гаскәрләрен Әфганстаннан чыгару көнендә алар өчен предприятиедә тантаналы чара үтте. Бу хакта «Зәй яңалыклары» хәбәр итә.
Завод җитәкчелеге сугышчан хәрәкәт ветераннарына һәрвакыт аерым хөрмәт күрсәтә. Истәлекле дата уңаеннан да аларга Рәхмәт хатлары тапшырылды, матди ярдәм күрсәтелде.
«Без хәрби бурычын намус белән үтәгәннәрнең бүген безнең арабызда тырыш хезмәт куюларына шат. Алга таба да ил икътисадын үстерүдә кулга-кул тотынып эшләргә язсын», — диде котлау сүзләрен җиткереп Кирилл Катышев.