Зәйдә 101 яшьлек сугыш ветераны төз атуы белән барысын да сокландырды
Скопировать ссылку
Зәйдә Бөек Җиңүгә 79 ел тулу уңаеннан үткән чаралар барышында мөхтәрәм сугыш ветераны, 101 яшьлек Анна Моисеева үзен төз атуда сынап карап, билгеләнгән мишеньнең кыл уртасына тидерде. Бу хакта «Зәй яңалыклары» сайтында Энҗе Әгъләмова яза.
Анна Ивановна Җиңү бәйрәме парадында да, митингта да катнашты, махсус әзерләнгән мәйданчыкларны да карады. Ә тирга килгәч, кулына винтовка алып төз атуда үзен сынады һәм оста атуы белән барысын да сокландырды.
Анна Моисеева Бөек Ватан сугышы чорында кыр госпиталендә шәфкать туташы булып хезмәт итү белән беррәттән оста атучы буларак, снайпер сыйфатында да фашистларга каршы көрәшкән, диелгән хәбәрдә.