Зәй халкын чыршы ачу тантаналарына чакыралар
Скопировать ссылку
13 декабрьдә Зәйнең Ринат Фәрдиев исемендәге ял паркында үзәк чыршыны ачу тантанасы була. Бу хакта «Зәй-информ» сайты хәбәр итә.
Анда зәйлеләр һәм район кунакларын театральләштерелгән тамаша, бәйрәм концерты, Кыш бабай һәм Кар кызы, әкият геройлары көтә.
Бәйрәм чарасы 15:30 сәгатьтә башлана.
Шул ук көнне Иске Зәй бистәсендә дә чыршы ачу бәйрәме уза. Анда тамаша 16:30 сәгатьтә башлана.