Зәй районы Якты Күл авылы волонтерлары хәрбиләр өчен 140 маскировкалау челтәре үргән
Скопировать ссылку
Зәй районы Якты Күл авылында ике урында махсус хәрби операция зонасына җибәрү өчен маскировкалау челтәрләре үрәләр. Бу хакта «Зәй яңалыклары» сайтында хәбәр ителә.
Авылның игелекле йөрәкле апалары мәдәният йортына җыелып, 9 ай изге эш башкара. Алар шушы вакытта 140 челтәр үргән. Ә Разыя Шибаева үз йортында маскировка челтәрләре үрүгә алынды.
«Бүгенге көндә безнең дә кулыбыздан килгәнне эшләү — намус эше. Башкалар да безгә кушылсын иде», — ди челтәр үрүче волонтерлар.