Зәй политехника көллияте студенты Мәскәүдә һөнәри осталык чемпионатында катнашты
Скопировать ссылку
Зәй политехника көллияте студенты Максим Абдулаев Мәскәүдә һөнәри осталык чемпионатында катнашты. Ул әле 1нче курс студенты булуына гына карамастан, үзен мәртәбәле бәйгедә сынады. Бу хакта «Зәй яңалыклары» сайтында Энҗе Әгъләмова яза.
3-6 июньдә Мәскәүдә «Профессионаллар» һөнәри осталык чемпионатының «Металл конструкцияләр җитештерү» компетенциясе буенча йомгаклау этабы үтте.
Өч көн дәвамында конкурсантлар 7нче архитектура һәм төзелеш көллиятендә сынау узды, үз һөнәри осталыкларын күрсәтте. Зәй данын яклаган Максим Абдулаев үз эшен тиешле дәрәҗәдә күрсәтә алды. Аның педагоглары Валентина Попова, Анатолий Полозенко һәм Госман Сафиуллин.