Татарстанның халык артисты Владимир Васильев Зәй музыка мәктәбендә концерт куйды
Зәй музыка мәктәбендә Татарстан Республикасының халык артисты Владимир Васильевның «Ул бөек еллар алдында баш иябез» дип исемләнгән бәйрәм концерты узды. Бу хакта «Зәй-информ» сайты хәбәр итә.
Концерт программасында Бөек Ватан сугышына багышланган иң популяр җырлар - «День Победы», «Журавли», «Ехал я из Берлина», «Смуглянка», «Катюша» һәм башка бик күп җырлар яңгырады.
Музыка мәктәбе укучысы Илназ Галимов, викторинада җиңеп, концертта катнашучылардан истәлекле бүләк алды.
Владимир Михайловичның әти-әнисе - Поповка авылыннан. Җырчының балачагы да әлеге авылда үткән.
«Минем өчен бу авыл һәм Зәй районы табигате, кешеләре иң якыны, һәрчак йөрәгемнең иң түрендә», - ди ул.