Зәй кызы Бөтенроссия ярышлары көмеш призеры булды
Скопировать ссылку
Краснодар краеның Гулькевичи шәһәрендә ирекле көрәш буенча Бөтенроссия турниры үтте. Ул 16-18 яшьлек спортчылар арасында Россиянең атказанган тренеры А.Ф.Бондарев истәлегенә оештырылды. Бу хакта «Зәй яңалыклары»нда Энҗе Әгъләмова яза.
Ярышларда илнең 22 төбәгеннән 200дән артык спортчы катнашты. Зәйдән ярышларда тренер Рамил Салихов кул астында шөгыльләнүче Айза Әгъләмова көрәште. Ул Европа чемпионкасына гына бирешеп көмеш медаль яулады.