Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәй көрәшчесе Җәмил Ибраһимов дөнья чемпионы булды
Бу көннәрдә Байлар Сабасында билбаулы көрәш буенча 17-18 яшьлек көрәшчеләр арасында дөнья чемпионаты ярышлары үтте. Анда Татарстан командасы составында чыгыш ясаган Зәй егете Җәмил Ибраһимов үз үлчәү авырлыгында чемпион калды. Бу хакта «Зәй хәбәрләре» хәбәр итә.
Аның тренеры Айрат Минһаҗев үҗәт спортчы турында һәрьяктан тырыш, дип билгеләп үтте.
«Җәмил кече яшьтән милли көрәш белән шөгыльләнә. Ул бу җиңүгә әзерлекле килде», - ди тренер.
Җәмил Ибраһимов Зәй районының Пусташит авылыннан. Күптән түгел ул Россия беренчелегендә чираттагы җиңүен яулаган иде. Район Сабан туенда яшүсмерләр һәм 60 кг га кадәр үлчәүдә өлкәннәр арасында батыр калды. Гомумән, Җәмил Ибраһимов быел мөмкин булган һәртөрле дәрәҗәдәге ярышларда катнашып җиңүләр яулады, Зәй, Татарстан данын күтәрүгә зур өлеш кертте.
Кызыклы яңалыкларны күзәтеп бару өчен Телеграм-каналга язылыгыз