news_header_top
16+
news_header_bot
news_top

Зәй коллективлары Кытайда «Алтын мәйдан-2025» халыкара мәдәният фестивалендә чыгыш ясады

Зәй коллективлары Кытайда «Алтын мәйдан-2025» халыкара мәдәният фестивалендә чыгыш ясады
Фото: "Энергетик" мәдәният сараеннан

Зәйнең «Энергетик» мәдәният сараеның легендар коллективлары – «Магия» хореография коллективы, «Злато» вокаль ансамбле, «Заиночки» хезмәт ветераннары ансамбле Кытайда «Алтын мәйдан-2025» халыкара мәдәният фестивалендә катнашты. Бу хакта «Зәй яңалыклары» яза.

Бу зур вакыйга Россиянең 30 төбәгеннән 72 коллективны берләштерде, ике ил арасында чын дуслык һәм мәдәният алмашу күпере булды. Фестивальнең максаты – халык традицияләрен аларның аутентик яңгырашында һәм хәрәкәтендә саклау һәм тәкъдим итү. Безнең артистлар татар һәм рус мәдәниятенең уникаль байлыгын күрсәтте.

Фестивальдә зәйлеләр яулаган җиңүләр:

Татьяна Давыдова – «Халык стилендәге җыр» номинациясендә III дәрәҗә лауреат.

Илфир Габидуллин – «Этник эстрада» номинациясендә II дәрәҗә лауреат.

«Энергетик» Мәдәният сарае квартеты – «Автор эшкәртүендә халык җыры» номинациясендә I дәрәҗә лауреат.

«Злато» вокаль ансамбле — «Халык җыры» номинациясендә II дәрәҗә лауреат.

«Магия» хореография төркеме —»Халык-сәхнә биюе» номинациясендә II дәрәҗә лауреат һәм «Халык биюе. Кече форма»да I дәрәҗә лауреат.

Эрик Горин – «Халык-сәхнә биюе. Соло» номинациясендә II дәрәҗә лауреат.

news_right_1
news_right_2
news_bot