Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәй делегациясе Магнитогорскида Сабан туенда катнашты
Чиләбе өлкәсендәге Магнитогорск шәһәрендә Сабантуй узды. Анда Зәй районы Татарстан Республикасын тәкъдим итте. Делегация составында район башлыгы Разиф Кәримов, аның урынбасары Петр Уразайкин, мәгариф идарәсе башлыгы Эрнст Сәфәргалиев, шәһәр һәм район иҗат коллективлары һәм башкалар бар иде. Бу хакта «Зәй офыклары» хәбәр итә.
Зәйлеләр оештырган милли мәйданчыкта теләге булган һәркем татар халкының көнкүреше белән танышты, татар милли ризыкларыннан авыз итте, бәйрәм сувенирлары сатып алды, Сабантуйның традицион уеннарында катнашты.
Магнитогорскида 400 меңнән артык кеше яши. Шәһәрнең милли составында 92 милләт исәпләнә, шуларның 84 проценты — руслар. Халыкның 5 процентын милли традицияләрне саклаучы татарлар тәшкил итә. Магнитогорскида быел 25нче тапкыр милли бәйрәм узды. Традиция буенча ул шәһәр паркында Мәңгелек ут янында уза. Анда бөтен илдән иҗат коллективлары килә.
Кызыклы яңалыкларны күзәтеп бару өчен Телеграм-каналга язылыгыз