Заһитова үзенең спорт мәктәбен үстерү планнары турында сөйләде
Фигуралы шуу буенча Олимпия чемпионы, «Хранители времени» боз тамашасы өчен «Миллиард.Татар» редакциясеннән «Ел татары - 2024» бәйгесенең махсус призына лаек булган Алинә Заһитова басмага планнары хакында сөйләде һәм кабул иткән кайбер карарларын аңлатты.
Хәер, Заһитова башта үзе лаек булган призның аның өчен никадәр зур әһәмияткә ия булуына игътибар юнәлтте. «Беләсезме, мин моңа бик шатландым. Мондый бүләкләр минем өчен бик кадерле», - дип искәртте спортчы.
Казанда «Водник» стадионы урынында төзү ниятләнгән булачак мәктәпкә килгәндә, Алинә «анда яшь спортчыларны өйрәтәчәге, аларга киңәшләр бирәчәге» хакында әйтте.
«Шулай ук яшь тренерларны яшьләр, балалар белән эшләүгә җәлеп итәргә ниятлим. Һәм фигуралы шууны, тулаем алганда спортны үстерү теләге дә бар, хәзер сәламәт яшәү рәвеше – иң мөһиме», - дип өстәде ул.