Рөстәм Заһидуллин Татарстанның нотариаль берләшмәсен һөнәри бәйрәмнәре белән котлады
Татарстан Республикасы юстиция министры Рөстәм Заһидуллин нотариаль берләшмә вәкилләрен һөнәри бәйрәмнәре – Нотариат көне белән котлады.
«Нотариат эшчәнлеге, гражданлык әйләнешенең ышанычлылыгын тәэмин итеп, дәүләтнең хокукый системасында төп элементларның берсе булып тора. Нотариус һөнәре тирән юридик белем генә түгел, ә югары әхлакый сыйфатлар, җаваплылык һәм принципиальлек тә таләп итә», – дип искәртте Заһидуллин.
Ул белгечләрнең тәҗрибәсе һәм аларның һөнәргә тугрылыгы киләчәктә дә республикада хокукый культураны үстерүгә һәм хокукый мөнәсәбәтләрне ныгытуга ярдәм итәчәгенә ышаныч белдерде.
Министр шулай ук нотариаль берләшмә вәкилләрен бәйрәм белән котлап, аларга сәламәтлек, һөнәри планнарының уңышлы тормышка ашуын һәм иминлек теләде.