Бер тәүлек эчендә Казанда 215 йорт түбәсен кар һәм боздан чистартканнар
Узган тәүлектә Казанда күп фатирлы йортларның 215 түбәсен кар һәм боздан чистартканнар. Бу хакта Казан мэриясенең матбугат хезмәте хәбәр итә.
Совет районында – 93, Киров һәм Мәскәү районнарында -50, Вахитов һәм Идел буе районнарында – 42, Авиатөзелеш һәм Яңа Савин районнарында 30 йорт түбәсе тәртипкә китерелгән.
Параллель рәвештә ишегалларын кардан чистарту да дәвам итә. Соңгы тәүлектә бу эшкә 230 берәмлек махсус техника һәм 1 397 урам җыештыручы җәлеп ителгән. Йорт яны территорияләреннән 28 мең тоннадан артык кар чыгарылган.
4 177 ишегалдының 4 066сы кардан арындырылган. Шәһәр Торак-коммуналь хуҗалыгы комитетында хәбәр итүләренчә, эшләр 97 процентка башкарылган.