Бер атна эчендә Татарстанда яшәүче 10 кеше алкоголь белән агуланган
Скопировать ссылку
Татарстанда 19-25 гыйнварда алкоголь һәм спиртлы сыеклыклар белән агулануның 10 очрагы теркәлгән. Алкогольнең кайдан сатып алынуы билгесез. Бу хакта Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат хезмәте хәбәр итә.
Бу чорда химик табигатьле кискен агулануның 59 очрагы теркәлгән. Шул ук вакытта, ир-атлар (62,7 процент) күбрәк зыян күргән. Хатын-кызлар арасында әлеге күрсәткеч 37,3 процент тәшкил итә.
Балалар арасында агулану очраклары – 22 процент, яшүсмерләр арасында 11,8 процент тәшкил иткән.