Зәйнең волейболчы кызлары икенче урын алды
Нәтиҗәдә Казан командасы өченче, Зәй икенче, Азнакай командасы беренче урын алды.
(Зәй, 29 сентябрь, "Татар-информ", "Зәй офыклары", Энҗе Әгъләмова). Зәйдә муниципаль хезмәткәрләрнең республика спартакиадасы кысаларында узган хатын-кызлар командалары арасындагы волейбол уеннары зәйлеләрнең икенче урын яулавы белән төгәлләнде. Бу турыда район басмасы хәбәр итә.
Ике көн барган уеннарда республиканың төрле шәһәр һәм районнарыннан 14 команда катнашты. Ярыш бик киеренке барды. Уеннарның финал өлешендә үзара көч сынашу иң көчле өч команда арасында барды.
Нәтиҗәдә Казан командасы өченче, Зәй икенче, Азнакай командасы беренче урын алды. Һәр ел саен иң көчле саналган Казан командасыннан безнекеләрнең өстен чыгуы, волейбол уенын яратучы Зәй җанатарлары өчен зур бүләк булды.