Җәмгыять 21 ноябрь 2014 08:14

Зәйле ялган өчен җавапка тартылган

Аңа 15 мең сум штраф салынган

Скопировать ссылку

(Казан, 21 ноябрь, “Татар-информ”). Зәй шәһәр прокуратурасы куркытып акча алу эше буенча суд барышында, ялган сүз сөйләгән шаһитнең үзенә карата хөкем карары чыгарылуы турында хәбәр итә.

26 яшьлек Зәй кешесе янап акча алуда гаепләнүче танышына җинаять җаваплылыгыннан качарга ярдәм итү өчен, тикшерү барышында биргән күрсәтмәләреннән баш тартып, судта ялган күрсәтмә бирә. Әлеге очрак буенча тикшерү эше кузгатылгач, элеккеге шаһитның үзенә суд эскәмиясенә утырырга туры килә. Ул гаебен тулысынча таный һәм аңа РФ Җинаять Кодексы нигезендә 15 мең сум штраф салына, дип хәбәр итә “Зәй офыклары” басмасы.

Сәхифәләр

Зәйле ялган өчен җавапка тартылган