Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәйле Магирамовлар Нәүрүзне бәйрәм итә
Бүгенге көндә Зәйдә 20 дән артык милләт вәкиле яши. Милләтләр күп булганга күрә, район милли бәйрәмнәр, милли гореф-гадәтләр, йолаларга бай.
(Зәй, 22 март, “Татар-информ”, “Зәй офыклары”, Рәзимә Кашапова). Өч дистә елдан артык Зәйдә гомер итүче тумышлары белән Әзербайҗаннан булган Кавус белән Рәисә Магирамовлар гаиләсе бүген Нәүрүзне бәйрәм итә, дип яза район басмасы.
Нәүрүз Төркмәнстан, Әзербайҗан, Таҗикстан, Иран, Әфганстан, Төркия һәм кайбер башка мөселман илләрендә бик борынгыдан килгән Яңа елны каршылау, көнчыгыш календаре буенча әлеге төбәкләрдә язны каршылау язгы чәчү эшләре алдыннан үткәрелә торган халык бәйрәменнән гыйбарәт ул.
Магирамовлар ел да Нәүрүзне көтеп ала, аңа берничә көн алдан әзерләнә. Иң беренче эш итеп, бодайны махсус савытларда шыттырып, үстерәләр. Яз килүне гәүдәләндерүче әлеге яшеллек бәйрәм табын күрке була. Рәисә ханым алдан пәхләвә, шор гогал, мутаки, шакербура кебек баллы ризыклар пешерә. Эчлеге чикләвек, җимеш, шикәр комыннан булган, тышлыгы бизәкләп эшләнгән шакербура үзе бер сәнгать әсәре кебек. Бүген исә бәйрәм көнне йомырка буыйлыйлар, казанда пылау пешерәләр, дуслары, якыннары белән җыелышып бәйрәм итәләр.
Әзәрбайҗаннар татарлар кебек кунакчыл, үз йортлары белән яшәүче Магирамовлардан төрле милләт халкы өзелми, алар табынында һәрчак милли аш, тәм-том, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз