Зәйдә әйләнеп капланган метаноллы цистернаны рельсларга бастырып куйганнар
Метанол якынча 40 квадрат метр мәйданга түгелгән.
(Казан, 24 июнь, «Татар-информ», Полина Шевчук ). Зәйдә әйләнеп капланган метаноллы цистернаны кабат рельсларга бастырып куйганнар. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.
Вакыйга урынына ярдәмче поезд килгән, ул иртәнге дүртенче яртыларда цистернаны күтәртеп, рельсларга урнаштырган. Метанол түгелгән урын абсорбент белән эшкәртелгән.
«Метанол якынча 40 квадрат метр мәйданга түгелгән. Тимер юл полотносына зыян килмәгән, поездлар хәрәкәтендә тоткарлыклар юк», — диделәр ТР буенча Россия Гадәттән тыш хәлләр министрлыгы Баш идарәсе матбугат хезмәтендә.
Элегрәк «Татар-информ» кичә кич Зәйдә метаноллы цистернаның рельслардан төшкәнлеген хәбәр иткән иде.