Зәйдә һәйкәлләр төзекләндерелә

(Казан, 17 октябрь, “Татар-информ). Бөек Җиңүнең 70 еллыгы уңаеннан Зәйдә тарихи вакыйгага багышлап ясалган истәлекле урыннарны төзекләндерү эшләренә керештеләр. Ул Җиңү бульварындагы “Азатлык китерүче солдат”, Иске Зәй бистәсендә 1941-1945 елларда ил азатлыгы өчен һәлак булганнар истәлегенә куелган һәйкәлләрне яңарту белән бәйле. Юбилей тантанасына кадәр һәйкәлләр тагын да матурланып, яңа төс алачак, дип белдерә “Зәй офыклары” басмасы.