Җәмгыять 22 сентябрь 2016 04:32

Зәйдә яшәүче Ефросинья әби 100 яшькә җиткән

Гасыр яшьтәшен район җитәкчелеге котлады.

Скопировать ссылку

(Казан, 22 сентябрь, “Татар-информ”). Зәйдә яшәүче Ефросинья Стоговага кичә 100 яшь тулды. Аны бер гасырлык юбилее белән котларга шәһәр башлыгы урынбасары Елена Недошивина һәм мәдәният идарәсенең автоклуб хезмәткәрләре килде. Алар ветеранның хәл-әхвәлләрен сорашты, изге теләкләр җиткереп, бүләкләр тапшырды, диелә “Зәй хәбәрләре” газетасында.

Ул чор кешеләре өстенә төшкән бар авырлык, алар күргән ачлык-хәерчелек тә, берсеннән-берсе авыр хезмәтләр дә Ефросинья әбине дә читләтеп үтмәгән. Ул – Октябрь революциясе, күмәк хуҗалыклар оештыру, Бөек Ватан сугышы һәм социализм төзү кебек тарихи вакыйгаларның тере шаһиты.

#Зәй #100 яшь

Сәхифәләр

Зәйдә яшәүче Ефросинья әби 100 яшькә җиткән