Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәйдә Ялчыгол укулары узды
Ул районда бишенче мәртәбә оештырылды.
(Зәй,11 август, "Татар-информ", "Зәй офыклары", Рәзимә Кашапова). Кичә Зәй районының Имәнлебаш авылында ТР Диния нәзарәте рәисе урынбасары Илфар Хәсәнов, Татарстан Президенты каршындагы мәдәнияткә ярдәм фондының башкарма директоры Нурия Хашимова, район башлыгы Разиф Кәримов, галимнәр, дин әһелләре катнашында дин галиме, мәгърифәтче, язучы Таҗетдин Ялчыгол укулары узды, дип яза җирле басма.
Ул районда бишенче мәртәбә оештырылды. Татар дөньясын аң-белемле, мәгърифәтле итәргә тырышкан Таҗетдин Ялчыгол - үзенең тормыш юлы белән генә дә гыйбрәтле шәхес. Ул Зәй төбәге өчен аеруча якын, кадерле. Ялчыгол заманында Әстерханда, Дагыстанда, Төркиядә укып, телләр өйрәнеп, Мәккәдә хаҗ кылып, аннан шактый юллар узып, Зәй елгасы буена кайтып төпләнә. Кече Сөндә, соңыннан Җирекле, Кызыл Чапчак, Мәлем авылларында балаларга белем биреп, халыкны агарта, табиблык итә, тарихны өйрәнә, китаплар яза. Ялчыгол укуларына килгән кунаклар Имәнлебашта якташның каберен зиарат кылдылар, Иске Зәй мәчетендә урнашкан Таҗетдин музеенда булдылар.
Кызыклы яңалыкларны күзәтеп бару өчен Телеграм-каналга язылыгыз