Җәмгыять 13 ноябрь 2014 20:15

Зәйдә “Тормыш сулышы” программасы старт алды

Ул барлык кешеләргә сәламәтлекләрен ныгытырга булышачак

Скопировать ссылку

(Казан, 13 ноябрь, “Татар-информ”). Зәйнең “Шатлык” халыкка социаль хезмәтләр күрсәтү үзәге “Тормыш сулышы” дип исемләнгән яңа программаны гамәлгә кертә.

“Без, район халкы арасында салкын тидереп, тын юллары ялкынсыну белән интегүчеләр күп булуын искә алып, “Тормыш сулышы” дип аталган сәламәтлекне ныгыту программасын эшләдек. Хәзер аны оешма-предприятие җитәкчеләренә җиткерәбез, - дип белдергән үзәк директоры Лидия Ларионова “Зәй офыклары” газетасына. - Безнең тернәкләндерү үзәгендә тоз камерасы эшли. Ул төрле дару препаратлары кулланмыйча күптөрле авыруларны профилактикаларга ярдәм итә. Программа нигезендә без һәр предприятие белән килешү төзеп, график билгеләп сәламәтлекне ныгыту курсларын башларга җыенабыз”, – дип планнары белән уртаклашкан ул.

Сәхифәләр

Зәйдә “Тормыш сулышы” программасы старт алды